புது தில்லி:

தமிழ்நாடு அரசின் வேலைவாய்ப்பு மற்றும் பயிற்சித் துறையின் சிறந்த சேவைகளைப் பாராட்டி, தேசிய அளவிலான SKOCH Silver விருது வழங்கிக் கௌரவிக்கப்பட்டுள்ளது.

விருது வழங்கும் விழா: புது தில்லியில் நடைபெற்ற 109-வது SKOCH விருது வழங்கும் விழாவில், SKOCH குழுமத்தின் தலைவர் திரு. சமீர் கோச்சர் அவர்கள் இவ்விருதினை அறிவித்து வழங்கினார். தமிழ்நாடு அரசின் வேலைவாய்ப்பு மற்றும் பயிற்சித் துறை இயக்குநர் டாக்டர் சி. பழனி, இ.ஆ.ப., அவர்கள் இந்த விருதினை நேரில் பெற்றுக் கொண்டார்.

பங்கேற்ற அதிகாரிகள்: இந்நிகழ்ச்சியில், வேலைவாய்ப்புத் துறையின் கூடுதல் இயக்குநர் திருமதி வே. மீனாட்சி மற்றும் தொழில்நெறி வழிகாட்டல் பிரிவின் இணை இயக்குநர் திருமதி ஆ. அனிதா ஆகியோர் உடன் கலந்துகொண்டனர்.

தமிழ்நாடு அரசின் வேலைவாய்ப்புத் துறை இளைஞர்களுக்கு வழங்கி வரும் வேலைவாய்ப்பு முகாம்கள், தொழில்நெறி வழிகாட்டல் மற்றும் பயிற்சித் திட்டங்களின் நவீனத்துவத்தையும் சிறப்பான செயல்பாடுகளையும் அங்கீகரிக்கும் வகையில் இந்த தேசிய விருது வழங்கப்பட்டுள்ளது குறிப்பிடத்தக்கது.